كنت ناوية ابدأمدونتي بخاطرة رقيقة
لكن اللي حصل النهارده في غزة صحى جوايا مشاعر تانية كتيرة
بكيت .........غضبت ............واتكسفت
بكيت...مش على الشهداء اللي كانت اشلائهم متناثرة ودمائهم سايلة وجثثهم محروقة
لانهم ارتفعوا في الجنان وربنا نقلهم م الجوع والبرد والحصار ....للنعيم المقيم
انا بكيت ...
ع زوجة مات زوجها وسابها لوحدها مع اطفال مش عارفة تطمنهم ولا تاكلهم او تدفيهم..
ع ام كبيرة في السن وعاجزة فقدت سندها وبهجة حياتها
ع طفل فقداهله وبيته وتاه في الشارع في البرد من غير مأوى اواكل اوشرب...
غضبت ...من نفسي
ازاي كنت عايشة حياتي ومش حاسة بيهم وهما بيموتوا م الجوع والبرد كل يوم وكان كل همي البس ايه النهارده وااكل ابني ايه ولاايه ومفكرتش هقول ايه لما ااقف بين ايدين ربنا ويسألني عملتي ايه لاخوانك في فلسطين ...ياالله ارحمني برحمتك
اتكسفت .. ايوة اول مرة احس بالخزي لاني مصرية!!! لان مصر خذلتهم وهما في اشد الحاجة ليها
ولفت نظري لافتة ع التلفزيون اثرت فيا جدا
مصر ياام الدنيا.........اليست غزة من الدنيا؟؟؟؟؟؟؟؟
أنا والله يا أسماء
ReplyDeleteمش حاسة بالخجل بس إني مصرية
أنا حاسة بالعار
حسبي الله ونعم الوكيل
معلش بس مختلف معاكو
ReplyDeleteمصر مخذلتهمش
الحكومة هيا اللي خذلتهم
والحكومة مبتمثلش مصر
زيها زي اي حكومة عربية اللي بيدو النفط واللي عندهم قواعد عسكرية
ومصر طوووول عمرها بتقف مع فلسطين
والشعب عمرو ما هيتخلى عن الفلسطينيين
والحمدلله احنا الوحيدين في العرب اللي دخلنا حروب كتير مع اليهود
فانا افتخر اني مصري
بس مفتخرش ان دي حكومتي