Saturday, December 27, 2008

لك الله يا غزة




كنت ناوية ابدأمدونتي بخاطرة رقيقة
لكن اللي حصل النهارده في غزة صحى جوايا مشاعر تانية كتيرة  
بكيت .........غضبت ............واتكسفت
 بكيت...مش على الشهداء اللي كانت اشلائهم متناثرة ودمائهم سايلة وجثثهم محروقة
لانهم ارتفعوا في الجنان وربنا نقلهم م الجوع والبرد والحصار ....للنعيم المقيم
انا بكيت ... 
ع زوجة  مات زوجها وسابها لوحدها مع اطفال مش عارفة تطمنهم ولا تاكلهم او تدفيهم..
ع ام كبيرة في السن وعاجزة فقدت سندها وبهجة حياتها  
ع طفل فقداهله وبيته وتاه في الشارع في البرد من غير مأوى اواكل اوشرب...  
غضبت ...من نفسي
ازاي كنت عايشة حياتي ومش حاسة بيهم وهما بيموتوا م الجوع والبرد كل يوم وكان كل همي البس ايه النهارده وااكل ابني ايه ولاايه ومفكرتش هقول ايه لما ااقف بين ايدين ربنا ويسألني عملتي ايه لاخوانك في فلسطين ...ياالله ارحمني برحمتك
اتكسفت .. ايوة اول مرة احس بالخزي لاني مصرية!!! لان مصر خذلتهم وهما في اشد الحاجة ليها 
ولفت نظري لافتة ع التلفزيون اثرت فيا جدا
مصر ياام الدنيا.........اليست غزة من الدنيا؟؟؟؟؟؟؟؟


Friday, December 26, 2008

سلام عليكم


مش عارفة ابدأ ازاي ؟؟؟ بس كل اللي عارفاه اني جوايا مشاعر كتيرة عايزة تخرج للنور و خواطر بتمر بيا كل يوم ...............قلت ادونها واشاركها معاكم .......خواطري و مشاعري كانسانة اولا... وكزوجة ....وام جديدة
 
Dear Diary Blogger Template